Melody: Scots Wha Hae
(Duration: 3:07) [Artist: Unknown]
Scots, wha hae wi' Wallace bled,
Scots, wham Bruce has often led,
Welcome to your gory bed,
Or to Victorie!
Now's the day, an' now's the hour;
See the front o' battle lour,
See approach proud Edward's pow'r
Chains and slaverie!
Wha would be a traitor knave?
Wha would fill a coward's grave?
Wha sae base as be a slave?
Let him turn and flee!
Wha for Scotland's King and law
Freedom's sword will strongly draw?
Freeman stand, or freeman fa'?
Let him on wi' me!
By oppression's woes and pains!
By your sons in servile chains!
We will drain our dearest veins,
But they shall be free!
Lay the proud usurper low!
Tyrants fall in ev'ry foe!
Liberty's in ev'ry blow!
Let us do or dee!
The inspired words were written by Robert Burns. The song refers to
the confrontation at Bannockburn in 1314 between Robert the Bruce and Edward Il
of England when, under Bruce's leadership, Scotland regained her freedom.